Lavrov: Hûn nikarin xwe ji ber Pirsa Kurdî bidin alî

PeyamaKurd – Wezîrê Berevaniyê yê Rûsyayê Sergey Lavrov ragihand ku rêkeftina Rûsya û Tirkiyê derfet daye ku zemînek çêbibe û pêşeroja Kurdên li Sûriyê were gotubêjkirin.

Lavrov ji çapemeniyê re axivî û got, ji dêvla pirsa Kurdî bi vebijarkên leşkerî çareser bikin, wan derfet dîtiye ku bi awayekî aram li ser pêşeroja Kurdên Sûriyê biaxivin.

‘Hûn nikarin xwe ji ber Pirsa Kurdî bidin alî’

Wezîrê rûsî bal kişand ser realîteya Kurdî û wiha berdewam kir: “Hûn nikarin xwe ji ber Pirsa Kurdî bidin alî. Pirsa navborî ne tene pirsa Sûriyê ye, pirseke mezintir e. Li Iraqê û Iranê û bêguman li Tirkiyê jî gelek Kurd dijîn. Tu kes naxwaze ku ev dewlet ji ber pirsa Kurdî û ragêşiyê jinav biçin. Tu kes naxwaze ku Kurd xwe weke welatiyên sinifê duyemîn hîs bikin.”

Rûsyayê di navbera hêzên Kurdî û rejîma Sûriyê de navbeynkarî kiribû

Li gorî rêkeftina Soçî ya 22yê Cotmehê ku di navbera serokê Rûsyayê Viladimir Pûtîn û Serokomarê Tirkiyê Recep Tayyip Erdogan de encam dabû Hêzên HSDê 30 km ji ser sînorê Tirkiyê vekişiyabûn û biryara dewriyeyên hevbeş hatibû girtin.

Piştî vekişîna hêzên Amerîkî jî danûstendinên hêzên Kurdî û hikûmeta Sûriyê hatibûn destpêkirin. Di çarçoveya rêkeftina Hêzên Kurdî û rejîma Sûriyê, artêşa Sûriyê ew herêm kontrol kiribûn. Di rêkeftinê de Rûsyayê navbeynkarî kiribû.