Kurdistan | Prof. Koçer Bîrkar doktoraya fexrî wergirt

PeyamaKurd - Profesor Koçer Bîrkar ku xelata Fields a Nobela matematîkê/bîrkarî ya sala 2018an wergirtibû, ji aliyê Zanîngeha Selahadîn a Kurdistanê ve bi doktoraya fexrî hat xelatkirin.

Merasîma dayîna doktoriya fexrî îro bi merasîmeke taybet û bi amadebûna serokwezîrê herêma Kurdistanê Nêçîrvan Barzanî, serokê zankoya Selahedîn, wezareta xwendina bilind û mamostayên zankoyê li Hewlêrê ji Profesor Koçer Bîrkar re hat dayîn.

Di merasîmê de fîlmekî dokumenterî derbarê jiyan û çalakiyên Koçer Bîrkar de hat nîşan dan. Herwiha di merasîmê de dayîk, bav û kesûkarên Koçer Bîrkar û hin hemwelatiyên rojhilatê Kurdistanê jî amade bûn.

Xelata doktoraya fexrî ji Profesor Koçer Bîrkar re ji aliyê serokê zankoya Selahedîn Profesor Ehmed Dizeyî ve hat dayîn.