Kurdistan | Di hilbijartina taybet de 271 hezar û 269 kesan deng da: PDK yekem e

PeyamaKurd- Di dengdana taybet a hêzên ewlehiyê û koçberan ku doh 9ê Mijdarê li Iraq û Herêma Kurdistanê pêk hat de, li gorî amarên fermî yên Komîsyona Hilbijartinan a Iraqê, li parêzgehên Hewlêr, Dihok û Silêmaniyê ji 276 hezar û 613 kesên ku mafê wan ê dengdanê hebû û 271 hezar û 269 kesan jî deng da.

Hate diyarkirin ku li Herêma Kurdistanê tenê 5,344 kesan di dengdana taybet de dengê xwe nedaye.

Beşdariya dengdanê li gorî parêzgehan wiha ye:

Hewlêr: 111 hezar û 839 kes xwedî mafê dengdanê bûn û 109 hezar û 508 kesan deng da. Ango rêjeya beşdariyê ji sedî 97,92 ye.

Silêmanî: 108 hezar û 344 kes xwedî mafê dengdanê bûn û 106 hezar û 350 kesan deng da. Ango rêjeya beşdariyê ji sedî 98,16 ye.

Dihok: 56 hezar û 430 kes xwedî mafê dengdanê bûn û 55 hezar û 411 kesan deng da. Ango rêjeya beşdariyê ji sedî 98,19 ye.

Parêzgeha Helebceyê ji bo dengdanê li ser parêzgeha Silêmaniyê hatiye hejmartin.

PDK yekem, YNK duyem e

Li gorî encaman ku piraniya dengan hatine hejmartin di nav partiyên siyasî yên Herêma Kurdistanê de PDK yekem e, YNK duyem e, Helwest sêyem e, Nifşê Nû çarem e, Yekgirtûya Îslamî ya Kurdistanê pêncem û Komeleya Dadgerî ya Kurdistanê şeşem e.

Amarên dengan ên nefermî wiha ne:

PDK: 84,605 deng

YNK: 73,289 deng

Samî Oşana: 14,754 deng

Kildo Remzî: 13,147 deng

Îmad Yoxena: 9,453 deng

Helwest: 7,548 deng

Nifşê Nû: 4,533 deng

Yekgirtû: 4,305 deng

Heyder Feylî: 2,224 deng

Komel: 1,300 deng

Eniya Gel: 1,071 deng