Koska Spî: Em pêswazî li besdariya Nêçîrvan Barzanî di gotûbêjan de dikin

PeyamaKurd – Berdevkê Konseya Ewlehiya Neteweyî ya Qesra Spî Adam Hodge di civîna çapemeniyê ya rojane de li ser serdana Mîrê Qeterê Şêx Temîm Bin Hemed Al Sanî ya ji bo paytexta Iraqê Bexdayê axivî.

Berdevkê Adem Hodge got: “Em pêşwazî li serdana Emîr Şêx Temîm Bin Hemed Al Sanî bo Bexdayê dikin. Amerîka bi tevahî piştgirî dide serwerî, serxwebûn û zêdekirina pêkvejiyana Iraqê di nav Civata Hevkariya Kendavê (GCC) û berfirehiya herêma Erebî de. "Ev yek pêngava Iraqê ber bi xwebexşkirina enerjiyê ve di sala borî de, avêtina gavan ji bo girêdana tora xwe ya enerjiyê bi tora GCC û Urdunê re dihewîne."

Hodge got: "Ev her du projeyên binesaziyê pêkhateyên seredana Serok Biden bo Rojhilata Navîn sala borî bûn û niha bi asankarî û piştgirîya aktîv a Amerîkayê tên cîbicîkirin. Herwiha, projeya girîng ku destpêka vê salê bi TotalEnergies û pargîdaniyên Amerîkî û Qeterî re hate îmze kirin, girtina gaza sirûştî dihewîne, projeyek ku wê xizmeta pêdiviyên xelkê Iraqî bike di heman demê de kêmkirina gazan."

“Em pêşwaziya piştevaniya çalak a Şêx Al Sanî, Serokwezîrê Iraqê Mihemed Şîa Sûdanî, serkirdeyên din ên herêmê û gelê Iraqê dikin. Em pêşwazî li beşdarbûna Serokê Herêma Kurdistanê Nêçîrvan Barzanî di van civînan de dikin da ku hemahengiya di navbera Bexda û Herêma Kurdistana Iraqê de zêdetir pêş bikeve.”

Serokwezîrê Iraqê Sûdanî ji bo Mîrê Qeterê Şêx Temîm Bin Hemed Al Sanî ku di 15ê Hezîranê de serdana Bexdayê kiribû, şîvek da. Sûdanî Serokê Herêma Kurdistanê Nêçîrvan Barzanî jî vexwendibû xwarinê.