Koçberên Singalê ji ber tunebûnê dîsa vedigerin kampan

PeyamaKurd - Ji ber tunebûna xizmetguzariyên li Şingalê, koçberên ku vegeriyabûn ser cih û warê xwe, dîsa vedigerin kampan.

Li gor Qaymeqamê Şingalê Mehma Xelîl, di çend mehên borî de, derdora 100 hezar koçberên Şingalê vegeriyabûn ser cih û warê xwe, lê mixabin hinek ji wan dîsa vedigerin kampan û koçber dibin.

Mehma Xelîl diyar kir, ji ber nebûna alîkarî û xizmetguzariyê niştecihên Şingalê dîsa vedigerin kampan. Tu kes alîkariya wan nake û xizmetguzarî jî tune ye.

Qaymeqamê Şingalê daxwaz ji Hikûmeta Iraqê kiriye, da ku alîkariya koçberan bikin. Lê heta niha Hikûmeta Iraqê bersiva wan nedaye.