Kazimî bi wezîrê naxwe yê Îranê re civiya

PeyamaKurd – Serokwezîrê Iraqê Mistefa Kazimî, îro 8ê Îlonê li Bexdayê bi Wezîrê Navxwe yê Îranê Ehmed Wehîd re civiya.

Nivîsgeha Serokwezîrê Iraqê piştî hevdîtinê ragihand ku di civînê de, bihêzkirina hevkariyên di hemû waran de hatiye gotûbêjkirin.

Herwiha Kazimî û Wehîd behsa girîngiya hevkariyên di xizmeta herdu welatan de kirine.

Di daxuyaniyê de hatiye diyarkirin ku Kazimî di hevdîtinê de daye xuyakirin ku pêwîste ji bo derketina ji qeyrana siyasî ya Iraqê, çareseriyeke bi hewldanên dîyalogê yên hêzên siyasî û misogerkirina ewlehî û seqamgeriya aştîyane pêk were.