Ji WHOyê banga zêdekirina perestaran: Pêdivî bi 5,9 milyon kesan heye

PeyamaKurd - Serokê Rêxistina Tenduristiya Cîhanê (WHO) Dr. Tedros Adhanom Ghebreyesus, bang li welatên cîhanê kir ku hejmara perestaran di sektroa tenduristiyê de zêde bikin.

Li gorî nûçeya The Guardianê Ghebreyesus di konferansa online ya delegeyên WHOyê de daye xuyakirin ku pêwîste welatên cîhanê zêdetir veberhênanê li perestaran û xebatkarên tenduristiyê bikin ku vîrusa koronayê girîngiya wê yekê derxistiye holê.

Serokê WHOyê herwiha bang li welatan kir ku rewşa perestaran a aborî û jiyanê û mercên xebatê baş bikin.

Li gorî daneyên WHOyê li seranserê cîhanê 27.9 milyon perestar hene, lê pêdivî bi 5,9 milyon perestarên din jî heye.