Ji mêjiyê zaroka yek salî cêwîka wê derket!

PeyamaKurd – Hat ragihandin ku bijîşkên Zanîngeha Fudan a li bajarê Şangay ê Çînê, ji nav mêjiyê zarokeke 1 salî cêwîka wê derxistine.

Hatiye diyarkirin, piştî nerehetiyên zarokê wan tomografiya zaroka keçik a yek salî girtiye û tê de dîtine ku di nav mêjiyê wê de girêkeke mezin bûye heye.

Bijîşkan piştî derxistina wê girêkê û lêkolînan eşkere kirin ku di mêjiyê zarokê de, parçeyên cêwîka wê hene.

Li gorî rapora bijîşkan a berfireh a bi navê bûyera; 'intraventrikuler fetus-in-fetu' cêwîka zarokê wekî kutleyeke bi qasî tiliyekê mezin bûye û heta dest û milê wê jî çêbûne.

Bijîşk dibêjin, ew bûyer di tibê de her çiqas nadîr be jî di nav 500 hezar zayînan de carekê tê dîtin.