Ji bo çavdêrîya hilbijartinan sandeke îraqî û navdewletî li Tirkîyê ye

PeyamaKurd - Ji bo çavdêrîkirina proseya hilbijartinên herêmî yên li Tirkîyê, şandeke îraqî û navdewletî serdana Tirkîyê kir.

Şandeya îraqî bi serokatîya endamê Komîsyone Hilbijartinên Iraqê Mein Abid seredanê Tirkîyê kir. Şandeya iraqî çavdêrîya proseya hilbijartinan dike.

Şandeya iraqî dîyar kir ku ew ji alîyê Lijneya Bilinad a Hilbijartinan (YSK) ve ji bo çavdêrîya proseya hilbijartinê hatine vexwendin.

Ji alîyê din ve ji bo çavdêrîyê ji 20 welatan 22 çavdêrên navdewletî li Tirkîyê ne. Hat dîyarkirin ku şandeya navdewletî dê roja duşemê çavdêrîyên xwe bi civîneke rojnamevanîyê bi raya giştî ra eşkere bike.