Ji bo 3 saredariyên din ên HDPê qeyûm hatin erkdarkirin

PeyamaKurd – Ji bo şaredariyên HDPê yên Stewr, Dêrik û Şemrexê qeyûm hatin erkdarkirin.

Li ser daxwaza Wezareta Navxwe ya Tirkiyê, qeyûm tayînî şaredariyên navçeyên Mêrdînê Stewr, Dêrik û Şemrexê yên Partiya Demokratîk a Gelan (HDP)hatin kirin. Qeymeqamên wan navçeyan li şûna şaredaran wekî qeyûm hatin erkdarkirin. 

Hevşaredara Stewrê Gulîstan Oncu, Hevşaredara Şemrexê Nalan Ozaydin û Hevşaredar Dêrikê Mulkiye Esmez duh hatibûn binçavkirin û îro bi tayînkirina qeyûm re ji wezîfeyê hatin dûrxistin. 

Hevşaredarên navborî li Miduriyeta Polîsan a Mêrdînê hêj di binçavan de tên ragirtin.