Îsraîlê êrîsî Samê kir: Herî kêm 15 kustî…

PeyamaKurd – Hat ragihandin ku şeva 19ê Sibatê hêzên Îsraîlê êrîşeke moşekî li dijî Şamê kirine û di encamê de herî kêm 15 kes hatine kuştin.

Li gorî daxuyaniya Wezareta Berevaniyê ya Sûriyê, li demjimêr 00:22 Îsraîlê êrîşeke asmanî ji bilindahiyên Colanê ve pêk aniye û di encam de çend navçe li Şamê û derdora wê, di nav de taxên niştecihbûnên kiriye armanc.

Wezareta Berevaniyê ya Sûriyê destpêkê ragihandiye ku di êrîşê de yek jê serbaz 5 kes hatine kuştin û 15 kesên din ên sivîl jî birîndar bûne.

Li gorî çavkaniyên xwecihî piştrast kirine, Îsraîlê êrîşî cihekî nêzîkî navendeke kulturî ya Îranî kiriye û di encam de sivîl jî di nav de 15 kes hatine kuştin.

Li gorî dîmenên televizyona fermî ya Sûriyê belav kirine, xuya dike ku avahiyeke 10 qatî hatiye armanckirin û zirareke zêde gihîştiyê.

Îsraîlê mehek berê jî Balafirgeha Navdewletî ya Şamê moşekbaran kiribû û di encam de du jê serbaz çar kes hatibûn kuştin.