Îro Roja Cilûbergên Kurdî ye
10ê Adarê, Roja Cilûbergên Kurdî her sal li Kurdistanê û li seranserê cîhanê bi çalakiyên cûrbecûr tê pîrozkirin.
RûpelNews - Roja Cilûbergên Kurdî, ku cara yekem di salên destpêkê de li ser pêşniyara Wezîrê Perwerdê yê Herêma Kurdistanê yê wê demê Sefîn Dizeyî di sala 2010an de li dibistanan hate pîrozkirin, paşê bû kevneşopiyek û li Kurdistanê û li seranserê cîhanê belav bû.
Parlamentoya Kurdistanê jî di sala 2013an de 10ê Adarê wekî Roja Cilûbergên Kurdî hat pesendkirin.
Bi vê boneyê, welatiyên li Hewler, Silêmanî, Dihok û Kerkûkê, cilûbergên xwe yên neteweyî yên taybet li xwe dikin. Karmendên kerta giştî û taybet bi cilên xwe yên neteweyî diçin ser kar û xwendekarên diçin baxçeyên zarokan heta zanîngehê jî beşdarî pîrozbahiyan dibin.
Her sal di 10ê Adarê de, çalakiyên wekî festîval û pêşangehên bi temaya cilûbergên neteweyî tên lidarxistin.
Welatiyên ku li beşên din ên Kurdistanê û li dîasporayê dijîn jî di vê rojê de cilûbergên xwe li xwe dikin û wêneyan parve dikin.
