Îran: Me li baregehên Amerîkayê yên li Behreyn û Kuweytê dan
Supaya Pasdaran a Îranê ragihand ku, wekî beşek ji pêla 23-an a Operasyona 'Nasr 2', wê êrîşên hevdem ên mûşekî û dronî birine ser tesîsên leşkerî yên Amerîkayê yên li Behreyn û Kuweytê.
RûpelNews - Supaya Pasdaran a Îranê ragihand ku, wekî beşek ji qonaxa 23'an a Operasyona 'Nasr 2', hedefên leşkerî yên Amerîkayê li Behreyn û Kuweytê bi mûşek û dronan hatine lêdan.
Li gorî daxuyaniya Pasdaranê, êrîşa yekem hedef girt hangarên lênêrîn û depokirina dronan ên hêzên amerîkî li Balafirgeha Sakhir a li Behreynê. Daxuyaniyê îdia kir ku hangarên navborî hatine wêrankirin.
Di qonaxa duyemîn de, hat ragihandin ku hangarên ku keştîyên deryayî yên hêza peywirê ya amerîkî TF-59, yên ku li Bendera Selman a li Behreynê bi cih bûne, lê dihatin amadekirin, hatine kirin hedef. Îranê îdia kir ku li van tesîsan ziyan çêbûye û hin keştîyên deryayî zirar dîtine.
Bingeha Arifcan a li Kuweytê jî hatibû hedefgirtin
Di daxuyaniyê de hat îdiakirin ku, di qonaxa sêyem a operasyonê de, hangarên piştgirî û lojîstîkê yên hêzên deryayî yên taybet ên DYA'yê li Bingeha Arifcan a li Kuweytê hatine lêdan û bi temamî hatine wêrankirin.
Îranê parast ku operasyon wekî tolhildana êrîşên DYAyê hatiye kirin.
Peyama "Operasyon dê bidomin"
Pasdaranê diyar kir ku êrîşên mûşekî û dronî yên li dijî DYAyê dê bidomin û anîn ziman ku îdiayên ku kapasîteyên mûşekî û dronan ên Îranê xilas bûne, rastiyê nîşan nadin.
Di vê navberê de, DYAyê êrîşên xwe yên hewayî li dijî Îranê ji bo şeva nehemîn li pey hev domandibû.
Îdiayên Îranê yên derbarê hedef û zirarên ku ji ber êrîşan çêbûne, heta niha ji aliyê çavkaniyên serbixwe ve nehatine piştrastkirin.
