Îran: Destdanîna li ser keştiyeke bazirganî binpêkirina agirbestê ye
Îranê bi tundî destdanîna artêşa Amerîkayê ya li ser keştiya bazirganî ya bi ala Îranê "Touska" şermezar kir û ev yek wek binpêkirina agirbestê ragihand.
RûpelNews - Di daxuyaniyeke nivîskî ya Wezareta Karên Derve ya Îranê de, desteserkirina keştiyê wekî "neqanûnî" û "tevgereke terorîstî" hate binavkirin. Di daxuyaniyê de hate destnîşankirin ku endamên malbatên xebatkarên keştiyê jî hatine binçavkirin, û herwiha hate gotin ku ev kiryar li dijî hiqûqa navneteweyî û agirbestiya dawî ye. Îranê daxwaza berdana lezgîn a keştiyê û tîma wê kir.
Trump ragihandibû
Serokê Amerîkayê Donald Trump duh ragihandibû ku keştiya barhilgir a bi ala Îranê "Touska", ya ku hewl dida ji Tengava Umanê derbasî Tengava Hurmuzê bibe, hatibû astengkirin û desteserkirin.
Ji aliyê Îranê ve, hat îdiakirin ku piştî vê geşedanê, Hêzên Çekdar êrîşeke bi dronan li dijî çend keştiyên şer ên Amerîkî pêk anîne. Her wiha hat ragihandin ku hêzên Îranê li nêzîkî Tengava Hurmuzê gule li du keştiyên bi ala Hindistanê re vekirine û ew neçar kirine ku vegerin.
