Îddîa: Baregeha çeteyên Rûsyayê ya Wagner hat bombebarankirin

PeyamaKurd –Serokê Rêveberiya Herêmî ya Luhanks a Ukraynayê Sergiy Hayday îdia kir ku navenda koma çeteyên Rûsyayê Wagner a li bajarê Kadiivka ya herêma Lûhanskê hatiye xistin.

Di berdewamiya êrîşên xwe yên li ser hêzên Rûsyayê de ji bo vegerandina axa xwe, hat îdiakirin ku hêzên Ukraynayê êrîşî baregeha çeteyên Rûsî Wagner li bajarê Kadiivka li herêma Lûhanskê kirine.

Serokê Rêveberiya Herêmî ya Luhanksê ya Ukraynayê Sergiy Hayday di daxuyaniya xwe ya li ser hesabê xwe yê medyaya civakî da wêneyên avahiya wêranbûyî ya ku tê îdiakirin navenda Wagner e bi îfadeya "Li navenda Koma Wagner a li Kadiivkayê tiştek teqiya" parve kir.

Hayday anî ziman, piştî teqîna navendê gelek endamên Wagner li cihê bûyerê mirine, şansên birîndaran kêm in ku bijîn û wiha got, "Ez piştrast im ku herî kêm ji sedî 50 kes sax mane bêyî guhdana bijîşkî bimirin. Ji ber ku alavên wan li Luhanskê hat dizîn û birîndarên li ber eniyê şandin Luhanskê û wiha got: “Gelek ji wan nikarin vê yekê bikin.

KOMA WAGNER

Koma kirêt a Rûsî ku ji aliyê Yevgeny Prigozhin, restoratorê berê û dostê nêzîk yê Serokê Rûsyayê Vladimîr Pûtîn ve hatiye damezrandin, gelek caran bi tawanên şer û binpêkirina mafên mirovan hatiye tawanbarkirin. Wagner berê li Kirim, Sûriye, Lîbya, Malî û Komara Afrîkaya Navîn hatibû bicihkirin.