HSD wê hêzên xwe yên Dêrazorê bisîne ser sînorê Tirkiyê

PeyamaKurd - Fermandarê Meclîsa Leşkerî ya Dêrazorê ku girêdayî Hêzên Sûriya Demokratîk (HSD) ne, ragihand ku wê şervanên wan li ser sînor bicih bibin û li dijî artêşa Tirkiyê rawestin.

Hat zanîn ku Meclîsa Leşkerî û ya Sivîl ên Dêrazorê li ser gefên dewleta Tirkiyê yên operasyonê civînek li dar xistin.

Fermandarê Meclîsa Leşkerî ya Dêrazorê Ehmed Ebû Xewla di civînê de gefên Tirkiyê red kir û got:

“Em wekî Meclisa Leşkerî, bi fermî radigihînin ku em ê hêzên xwe yên leşkerî bişînin ser sînorê Sûrî- Tirkî, da ji her êrîşekê re amade bin”.

Herwiha di heman civînê de Hevserokê Mecilsa Sivîl ya Dêrazorê Dr. Xesan el- Yûsiv jî metirsiya bo gefên Tirkiyê aniye ziman û gotiye:

“Eger ti êrîş li dijî herêmê pêk were, wê dîsan çeteyên DAIŞê derkevin holê û ji berê xurttir bibin. Ev jî wê li ser hemû kesî bibe xeteriyeke mezin.”