Hikûmeta demkî ya Sûriyê hisyarî da Îranê

PeyamaKurd – Wezîrê Derve yê Hikûmeta Demkî ya Sûriyê Esad Hesen Şeybanî got, "Divê Îran rêzê li îradeya gelê Sûriyê, serwerî û yekparçeyiya xaka Sûriyê bigire."

Şeybanî di posta xwe ya li ser hesabê Xê de, bang li Îranê kir ku rêzê li îrade, serwerî û yekparçebûna axa Sûriyê bigire.

Wezîr Şeybanî got, "Divê Îran rêzê li îradeya gelê Sûriyeyê, serwerî û yekparçeyiya xaka Sûriyeyê bigire. Em hişyariyê didin Îranê ku li Sûriyeyê aloziyê belav neke û ji encamên daxuyaniyên xwe yên dawîn berpirsyar bin."

Ji aliyê din ve Serokê Rêxistina Hewayî ya Sivîl a Îranê Husên Purferzane ragihand ku geştên esmanî yên navbera Îran û Sûriyê bo demekê hatine rawestandin.