Hêzên Pêsmerge ji bo ji nû ve destpêkirina rahênana hevpeymanan amade ne

PeyamaKurd - Cîgirê Sererkanê Wezareta Pêşmerge, lîwa Qehreman Kemal got, hêzên Pêşmerge ji bo ji nû ve destpêkirina rahênanê amade ne û li benda hêzên hevpeyman in.

Qehreman Kemal ji malpera fermî ya PDKê re daye xuyakirin ku demek dirêj bû xebatên perwerde û meşqa hêzên Pêşmerge ji aliyê hêzên hevpeyman ve ji ber belavbûna Koronayê hatibûn sekinandin, lê ev demek e ew xwe amade dikin dîsa dest bi meşqê bikin.

Lîwa Qehreman Kemal daye zanîn, hêzên Pêşmerge amade ne û li benda hêzên hevpeyman in. Her gava ew amade bin em dikarin dîsa dest bi xebatên xwe bikin.