Hêzên Îranê yên li Sûriyê navên kolanan diguhêrin

PeyamaKurd- Li Dêre Zor a Sûriyê li navçeya El-Meyadînê, hêzên artêşa Îranê navên ku berê li gor erdnîgarî, dîroka deverê li kuçe û kolanan hatine danîn, wan navan diguhêrin û navên li gor mezhebên xwe yên Şî’a li wan datînin.

Li gor ragihandina SOHR ê an ku Mala Çavdêriyê ya Mafên Mirovan ya Sûriyê ragihandiye; ku navê kolana  “Enes bin Malik” kirine “İmam Humeyni”, kolana bi navê “Ordu” yê kirine kolana “Îmam el-Abbas”. Kolanên navên wan guhertine, tabelayên wan yên mezin li wan xistine. Navê kolana “Ebu Gurub” kirine “Şehîd Qasım Suleymanî”. Kolaneka dinê navê wê kirine kolana “Fatimiyyun”.