Hêzên Ehmed Mesûd: Me ji sedî 60-65ê axa Pencsîrê xist kontrola xwe

PeyamaKurd – Tevgera Talîbanê du roj berê ragihandibû ku wan tevahiya herêma geliyê Pencşîrê xistiye bin kontrola xwe, lê hêzên Berxwedanê yê Pencşîrê ku Ehmed Mesûd ê kurê Şah Mesûd rêbertiya wan dike, red dikin ku herêma Pencşîrê bi temamî ji aliyê Talîbanê ve hatibe kontrolkirin.

Berdevkê eniya berxwedanê Elî Nîzarî ji televizyona CNN a amerîkî re ragihandiye ku çekdarên eniya berxwedanê ji sedî 60-65 ji axa Pencşêrê xistine bin kontrola xwe.

Elî Nîzarî daye zanîn ku wan hemû cihên stratejîk li Pencşêrê xistine bin serweriya xwe û gotiye, di şer navbera hêzên berxwedanê û tevgera Talîbanê de zirarên mezin gihane hêzên Talîbanê.