Di êrîşa Rûsyayê ya li ser Kîevê de 8 kesan canê xwe ji dest da
Hate ragihandin ku di êrîşeke hewayî ya ku ji aliyê Rûsyayê ve li ser Kîev, paytexta Ukraynayê, hatiye kirin de heşt kes hatine kuştin û 33 kes jî birîndar bûne.
RûpelNews - Şaredarê Kîevê Vitaliy Klitschko ragihand ku Rûsyayê êrîşeke moşekî li ser paytextê pêk aniye. Her çend di dema êrîşê de li deverên cuda yên bajêr ziyan çêbûbe jî, hat ragihandin ku nexweşxaneyeke zarokan a li navçeya Solomyanskê jî zirar dît.
Servîsa Rewşa Awarte ya Ukraynayê ragihand ku operasyonên lêgerîn û rizgarkirinê li navçeyên Sviyatoshynskyi, Darnitskyi û Solomyanskê berdewam dikin.
Qurbanî li Zhytomyr
Hat ragihandin ku di êrîşeke Rûsyayê de li ser herêma Zhytomyr du kes hatin kuştin û 40 kes jî birîndar bûn. Hat destnîşankirin ku di encama êrîşê de li qereqgeheke polîsan a li herêmê şewatek derket.
