Haddad: “Bi sedema jêkirina daristanan bangî balyozê Tirkiyê bo wezaretê kirin”

PeyamaKurd –Cîgirê serokê parlementoya Iraqê Beşîr Haddad ragihand ku bi sedema jêkirina dar û daristanên Kurdistanê ji aliyê leşkerên Tirkiyê de, bangî balyozê Tirkiyê yê Bexdayê bo wezareta karên derve kirine.

Haddad, ragihand ku bang li Komîsyona Ewlehiyê û parastinê ya Hukumeta Iraqê kirine da li ser sînorê Amediyê lêkolînan bikin û bi fermî bang li komîsyonê kirine.

Berê jî perlementerê Parlementoya Kurdistanê Rêving Hirorî û berdevkê hukumeta Herêma Kurdistanê Cotyar Adil ragihandibûn ku artêşa Tirkiyê daristanan dibire û dide bazirganên qaçaxçi yên li Tirkiyê.