Fevzî Bulgan: Em êrîsên dijî Kurd û Kurdistanê qebûl nakin
PeyamaKurd - Erîşa bajarê Trabzonê (ku yek ji bajarên Tirkîyê ê ku herî zêde bi nijadperestîya xwe ve tê naskirin ) ya li hember geştîyarên Kurdistanê bû sedema bertekên tund li hemberî vê bûyerê.
Sekreterê Giştî yê Hereketa Îslamî ya Kurdistanê AZADÎ Fewzî Bûlgan pirsên Peyamakurd ên li ser vê bûyerê û derbarê pisgirêka Kurd ya li Tirkiyê bersivand.
Bulgan dibêje: “Em bi xurtbûn û pêşveçûna statuya Kurdistana Başûr kêfxweş û şanaz dibin. Em tevger û xebatên li dijî Hikumet û Rêveberîya Herêma Kurdistanê şaş dibînin. Em dixwazin bi Başûr, Rojhilat û Rojavayê Kurdistanê ra têkilîyên xwe xurt bikin.”
AZADÎ, di meha Hezîrana 2012an da wek Ji bo Maf, Dad û Azadî Însîyatîfa Îslamî ya Kurdistanê / Însîyatîfa Azadî hate damezrandin. Di Îlona 2014an da jî biryara hereketbûnê hate girtin. Armanc, daxwaz û xebata Azadîyê ya sereke, bidestxistina mafê gelê kurd û statuya Kurdistanê ye. Hereketa Îslamî ya Kurdistanê AZADÎ kar û xebatên xwe bi rê û rêbazên aştîyane dimeşîne. Em dixwazin pirsgirêkên sîyasî û civakî bi rêya dîyalogê, bi danûstandinan, li gor maf û azadîyên mirov û miletan werin çareserkirin.
Fewzî Bûlgan: Doza Kurd û Kurdistanê gellek giran e. Bi yek şexs û yek rêxistin nahê parastin. Heta ji me tê em bi kesayet, sazî, partî û rêxistinên Kurdistanî re kar û xebatên hevbeş dikin. Têkilîya me bi wan re xurt e. Em wek tevgerek sîyasî bêtir xebatên sîyasî û dîplomatîk dimeşînin lê piştgirî didin xebatên ji bo ziman û perwerdeya kurdî, xebatên çandî, hunerî, civakî, aborî û dîrokî ku ji bo miletê me gellek girîng in. Ji bo Tifaqa Kurdistanî ya mayînde her dem hewl, liv û tevgerên me hene. Ji bo ziman û perwerdeya kurdî bi beşdarîya AZADÎ û heşt partî û rêxistinên kurdan Platforma Zimanê Kurdî hatîye îlankirin û xebatên xwe dimeşîne.
Fewzî Bûlgan: Em êrîşên li dijî kurd û Kurdistanê bi tundî şermezar dikin û qebûl nakin. Heyf û mixabin pergala kemalîst hebûn û mafê kurdan înkar kiriye û ev hê jî didome. Asîmîlasyon, kuştin, êriş û lêdanên li dijî kurdan bi tundî dimeşînin. Têkilîyên Hukumeta AKP û Erdogan bi Hukumeta Herêma Kurdistanê û Birêz Mesûd Barzanî ra erênî bûn. Lê heyf û mixabin li dijî Referandûma Serxwebûna Kurdistanê bertekek tund nîşan dan û bi neyartî tevgeriyan. Ew sîyaseta hukumet û dewleta Tirkîyê gelek xelet bû ku îro ketine tengasîyê û nikarin wî bimeşînin. Ji bo berjewendîyên xwe bi Hikumet û Herêma Kurdistanê re dixwazin têkilîyên xwe xurt bikin.
Pêşnîyarên partîya we ji bo kêşeya Kurd li Tirkîyê çine?
Fewzî Bûlgan: Divê Tirkiye jî, dewletên dagirkerên Kurdistanê jî û hemû dinya jî qebûl bike ku kurd mileteke mezin e û maf û daxwazên miletan çine, kurd jî wan dixwazin. Divê li Tirkîyê demildest perwerdeya kurdî destpê bike, zimanê kurdî bibe fermî û statuya Kurdistanê were qebûlkirin.
Têkilîyên Azadîyê li gel Hikumeta Kurdistanê çawa ne?
Fewzî Bûlgan: Em, Hereketa Îslamî ya Kurdistanê AZADÎ tevgerek azad û serbixwe ne. Di heman demê da em hevkarî û piştgirîya kurdan û Kurdistanî gellek girîng dibînin. Em bi xurtbûn û pêşveçûna statuya Kurdistana Başûr kêfxweş û şanaz dibin. Em tevger û xebatên li dijî Hukumet û Rêveberîya Herêma Kurdistanê şaş dibînin. Em dixwazin bi Başûr, Rojhilat û Rojavayê Kurdistanê ra têkilîyên xwe xurt bikin.
PeyamaKurd: Ji bo ku we pirsên me bersivandin em spasîya we dikin.
Fewzî Bulgan: Em ji we re gellek sipas dikin û di kar û xebatên we de serkeftin dixwazin.
Di sala 1972yan da li Îdirê hatime dinyayê. Di dirêjahîya temenê xwe da ez di nava komên curbicur ên dînî û sîyasî da xebitîm. Niha bi karên mîmarîyê ra mijûl im. Bavê sê zarokan im û vê gavê di gel malbata xwe li Stenbolê dijîm.
Şîrove (0)
Hêj şîrove tune. Hûn şîroveya yekem binivîsin!
Şîroveya xwe binivîsin