Fermandarê Iraqî: Em nahêlin ti komeke çekdar li Singalê bimîne

PeyamaKurd - Fermandarê operasyonên rojavayê Nînowayê di artêşa Iraqê de, Cebar Tayî da xuyakirin ku ew nahêlin ti komeke çekdar li Şingalê bimîne.

Cebar Tayî ragihand ku li gorî rêkeftina Hewlêr û Bexdayê, tenê artêşa Iraqê, polîs û asayişa niştimanî ya Iraqê wê Şingalê biparêzin.

Tayî diyar kiriye ku ew nahêlin ti komeke çekdar li Şingalê bimîne û hêzên Iraqî di nav Şingalê de hatine bicihkirin û hewla aramkirina bajêr û vegerandina koçberan didin.

Fermandarê Iraqî bêyî bi nav bike, behsa nehiştina hêzên girêdayî PKKê û milîsên girêdayî Heşda Şeibî kir û got, ew hêzên nerewa wê li Şingalê nemîn.