Fermandarê HSDê: Amerîkayê alîkariya me zêde kiriye, hêzeke herêmê çekdan dide DAISê

PeyamaKurd- Fermandarê Hêzên Sûriya Demokratîk (HSD) Ebu Omer Idlibî di hevpeyvînekê de ragihandiye ku piştgiriya Amerîkayê ji bo hêzên wan kêm nebûye.

Idlibî bal kişandiye ser zêdebûna tevgera DAIŞê û daye xuyakirin, berevajî kêmbûnê piştî zêdebûna êrîşên DAIŞê, tevgera hêzên Amerîkayê li dijî terorê berfiretir bûye û alîkariya bo hêzên HSDê jî hatiye zêdekirin.

‘Hêzeke deverê çekan dide DAIŞê’

Fermandarê HSDê daye zanîn, bi çek û pereyan piştevaniya DAIŞê tê kirin û bêyî bi nav bike gotiye, hêzeke mezin ya deverê çekan dide DAIŞê.

Herwiha Idlibî gotiye, perwerdeya hêzên Amerîkayê li ser çawaniya şerê dijî terorê bo HSDê berdewam dike.