"Ew kesê li Silêmaniyê hat kustin endamê HDPê bû"

PeyamaKurd – Do êvarî li bajarê Silêmaniyê, kesek bi guleyan hat kuştin, çapemeniya ser bi PKKê ve di derbarê wî kesî de dibêje, ew kes endamê HDPê bû û ji ber rewşa siyasî a li Bakurê Kurdistanê çûbû Başûrê Kurdistanê.

Do êvarî 29.02.2024 kesekî bi navê Ebdulqadir Sebrî, li ber deriyê xwaringeha hosta Hesen li bajarê Silêmaniyê ji aliyê çekdarekî ve bi du fîşegan hate kuştin.
Piştî belavbûna nûçeyê, çapemeniya ser bi PKKê ve diyar kir ku ew kesê hat kuştin, endamê HDPê bûye û xelkê bajarê Bedlîs yê Bakurê Kurdistanê ye, zewiciye û bavê 2 zarokan e û di salê borî de ji ber rewşa siyasî ya li Bakurê Kurdistanê hatiye Başurê Kurdistanê û li Silêmaniyê bi cih bûye.