Emar Hekîm: Em pistevaniyê didin hemû hewldanên dijî gendeliyê

PeyamaKurd – Serokê Tevgera Hikme ya Iraqê Emar Hekîm, beriya bidawîbûna proseya damezrandina hikûmeta serokwezîr Mihemed Şiya Sûdanî, ragihand ku ew dê piştevaniya hemû aliyên ku li dijî gendeliyê û gendelkaran têkoşînê didin bikin.

Hekîm ev daxuyanî piştî diziya li Banka Rafîdeyn û girtina tohmetbarên diziyê da û got, ew ji ber xebatên wan ên dijî gendelî û gendelkaran pîrozbahiyê li Wezareta Navxwe ya Iraqê, Desteya Wezîran û Daraza Bilind dike.

Herwiha Hekîm destnîşan kir ku ew ê piştgiriyê bidin hemû gavên derbarê lêpirsînên gendeliyê û radestkirina diravên hatine dizîn bo xezîneya Iraqê.