Efrîn | Li nêzîkî navenda komandoyên Tirkiyê teqîn

PeyamaKurd - Li bajarê Efrînê yê Rojavayê Kurdistanê li nêzîkî xaleke leşkerî ya artêşa Tirkiyê teqînek çêbû.

Li gorî zanyariyan, teqîn li bajarê Efrînê li ser rêya Cindirêsê li nêzîkî navenda hêzên komando yên Tirkiyê çêbû û tîmên hawarçûnê çûne cihê bûyerê.

Hîn derbarê kuştî û birîndarên teqînê de agahiyên piştrastkirî nehatine.

Li bajarê Efrînê ku ji 18ê Adara 2018an ve ji aliyê artêşa Tirkiye û komên çekdar ve hatiye dagirkirin, gelek caran teqîn rû didin.