DILKURDê ji bo Nêçîrvan Barzani peyamek belav kir
Koordînatorê DILKURDê Fevzî Buldan peyameke derbasbûyînê derbarê êrîşa li ser mala Serokê Herêma Kurdistanê Nêçîrvan Barzani de weşand.
RûpelNews - Koordînatorê Yekîtîya Dildarên Kurdî (DILKURD) Fevzî Buldan, peyamek ji bo Nêçîrvan Barzani derbarê êrîşên hefteya borî yên li dijî hêzên Pêşmerge û mala wî ya li Duhokê parve kir.
Buldan li ser hesabê xweyê Xê de Nêçîrvan Barzani tag kir. Di peyama xwe de, Buldan xemgîniya xwe ji bo êrîşa li ser mala Nêçîrvan Barzani ya li Duhokê û êrîşên hefteya borî yên li dijî hêzên Pêşmerge li Hewlêrê anî ziman. Ji bo Pêşmergeyên ku di van êrîşan de şehîdbûn sersaxî xwest û ji bo birîndaran başbûnek bilez xwest.
Di peyamê de teqezî li ser teqdîrkirina hewldanên ji bo ewlehiya Herêma Kurdistanê û aramiya gelê wê hat kirin û hevxemiya xwe bi gelê herêmê re anî ziman ku di demek dijwar re derbas dibe.
Buldan, di daxuyaniyekê de ku li ser navê DILKURDê hat dayîn, her wiha hêviya xwe anî ziman ku êrîş di zûtirîn dem de bi dawî bibin û aştiyek mayînde li herêmê were damezrandin.
