Dîlan Yeşilgoz bû Wezîra Parastinê ya Hollandayê

Belavkirina wezaret û cîgirserokatiyan di navbera Partiya Demokrat 66 (D66), Partiya Banga Demokratîk a Xiristiyan (CDA) û Partiya Gel ji bo Azadî û Demokrasiyê (VVD) de hat ragihandin.

Siyasetmedara kurd û Seroka VVDyê, Dîlan Yeşilgoz, li ser hesabê xwe yê Xê ragihand ku ew ê di hikûmetê de wek Cîgira Serokwezîr û Wezîra Parastinê kar bike û lîsteyek ku dabeşkirina wezaret û cîgirwezaretan ku ji aliyê partiyên di hikûmeta hindikahiyê de hatiye lihevkirin nîşan dide, parve kir.

Bi Rob Jetten, serokê D66, ku bû Serokwezîr, hat ragihandin ku tenê serokê CDAyê Henri Bontenbal dê nebe beşek ji hikûmetê û dê wek serokê koma parlamenterên partiya xwe berdewam bike.

Di hikûmeta û de li gorî hejmara parlamenteran, D66ê 7, VVDyê 6 û CDAyê 5 wezaret wergirtin.

Li gorî daxuyaniya VVDyê, Dîlan Yeşilgoz-Zegerius dê wek Wezîra Parastinê, Eelco Heinen wek Wezîrê Darayî, David van Weel wek Wezîrê Dad û Ewlehiyê, û Thierry Aartsen wek Wezîrê Kar de kar bikin. Wekî din, Vincent Karremans dê rola Wezîrê Binesazî û Rêveberiya Avê bigire ser xwe, û Sophie Hermans dê wek Wezîra Tenduristiya Giştî, Refah û Werzîşê kar bike.

Tê payîn ku hikûmet di 23yê Sibatê de bi awayekî fermî dest bi kar bike.

Hikûmeta koalîsyonê ya çar-partî ya rastgir-navend-rastgir a tundrew, ku di Tîrmeha 2024an de, 223 roj piştî hilbijartina giştî ya berê ya ku di 22ê Mijdara 2023an de li Hollandayê hatibû lidarxistin, hate avakirin, ji aliyê partiya Wilders ve tê birêvebirin.

Li Holandayê, 223 roj piştî hilbijartina giştî ya berê ya ku di 22ê Mijdara 2023an de hatibû lidarxistin, hikûmeta koalîsyonê ya çar-partî ya rastgir-radîkal/navend-rastgir a ku di Tîrmeha 2024an de hatibû avakirin, di 3ê Hezîrana 2025an de, kêmtirî salekê piştî avakirina xwe, piştî vekişîna partiya Wilders, hilweşiya.

Dîlan Yeşilgoz kî ye?

Dîlan Yeşilgoz-Zegerius di 18ê Hezîrana 1977an de li Enqerê ji malbateke ji Dêrsimê ji dayik bûye.

Yeşilgoz-Zegerius zarokatiya xwe li Enqerê derbas kir û di temenekî biçûk de bi malbata xwe re koçî Hollanda kir.

Dayika wê, Fatma Ozgumuş, Rêvebera Rêxistina Penaberan a Hollandî ye. Bavê wê, Yucel Yeşilgoz, beriya derbeya leşkerî ya 12ê Îlona 1980an, sendîkavanekî di Yekîtiya Konfederasyonên Karkerên Şoreşger (DÎSK) de bû.

Dîlan Yeşilgoz-Zegerius di navbera salên 1991 û 1997an de perwerdeya xwe ya amadeyî li Koleja Vallei ya li Amersfoortê temam kir. Piştre wê li Zanîngeha Vrije Universiteit Amsterdamê di warê zanistên civakî û çandî de xwend û di sala 2003an de di beşa Çand, Rêxistin û Rêveberiyê de bawernameya masterê wergirt.

Yeşilgoz-Zegerius dest bi kariyera xwe ya siyasî di Partiya Sosyalîst de kir û di komîteya rêveber a şaxa Amersfoort a partiyê de kar kir. Piştre wê bi nivîsandina gotaran ji bo delegeya ciwanan a Partiya Karkeran û bi temamkirina stajekê li GroenLinks, pozîsyona xwe di siyasetê de xurt kir.

Yeşilgoz-Zegerius ji sala 2014an heta 2017an di meclîsa şaredariya Amsterdamê de kar kir, ku li wir ew di lîsteya Partiya Gel a ji bo Azadî û Demokrasiyê de di rêza çaremîn de hatibû hilbijartin. Biryardarî û hewildanên wê di vê serdemê de ew gihand Meclîsa Nûneran.

Yeşilgoz-Zegerius, ku di hilbijartina giştî ya 2017an de ji bo Meclîsa Nûneran hat hilbijartin, di destpêkê de wek berdevka partiya xwe ya ji bo dadwerî û ewlehiyê kar kir. Lê belê, wê paşê bi xebata li ser polîtîkaya avhewa û enerjiyê, tevlibûna xwe ya siyasî berfirehtir kir.

Di 25ê Gulana 2021an de, ew li gel Mona Keijzer di kabîneya sêyem a Rutte de wek Wezîra Dewletê ya Karûbarên Aborî û Polîtîkaya Avhewayê hat tayînkirin û roleke girîng girt ser xwe. Di 10ê Çileya 2022an de, ew di kabîneya çarem a Rutte de wek Wezîra Dad û Ewlehiyê hat erkdarkirin.

Piştî destjikarkêşana Mark Rutte, di 12ê Tîrmehê de, Yeşilgoz-Zegerius bernamzediya xwe ji bo serokatiya nû ya VVDyê ragihand. Bi awayekî fermî ji aliyê komîteya rêveber a partiyê ve hate namzedkirin. Dîlan Yeşilgoz-Zegerius di 14ê Tebaxê de bû seroka nû ya VVDyê.