Di hilbijartinên Brîtanyayê de 2 Kurd hatin hilbijartin

PeyamaKurd – Di hilbijartinên parlementeriyê yên Brîtanyayê namzedên Kurd Nedîm Zehawî û Feryal Clark wekî parlementer hatin hilbijartin.

Nedîm Zehawî namzedekî Kurd ê hilbijartinên Parlemena Brîtanyayê (Qralîyeta Yekbûyî)  ku li bajarê Stratfordê û di lîsteya Partiya Desthilatdar a Muhafazakar bûye namzed.

Feryal Clark kurdeke Bakurê Kurdistanê ye û  li ser lîsta Partiya Labour ango Partiya Karkeran bûye namzed.

Li Brîtanyayê Partiya Muhafazakaran a ku Serokatiya Boris Johnson dike di hilbijartinan de 43 ji sedê dengan wergirt û biser ket. Johnson rêjeya dengen xwe li herêma Rojhilatê Londonê zêde kir û bi 25 hezar û 251 dengî jî ji bo Kamaraya Avaman hat bijartin.

Partiya Jeremy Corbyn a bi navê Partiya Karkeran 191 kursî bidest xistin û bû partiya duyemîn li parlementoyê. Partiya Karkeran di hilbijartinên 2017an de 262 kursî bidest xistibûn. Di vê hilbijartina dawî de 71 ji wan kursiyan winda kirin û têkçûneke mezin jiya.