Di erdheja Tehranê de 2 kesan can da, 33 kes birîndar bûn

PeyamaKurd – Di encama erdhejekê de ku îro li paytexta Îranê Tehranê rû da û tundiya wê 5,1 bû, 2 kesan jiyana xwe ji dest da û 23 kes jî birîndar bûn.

Navenda Sîsmolojiyê ya Zanîngeha Tehranê ragihand, li herêma Demavand a paytextê, li saet derdora yekê şevê bi pileya 5.1 erd hejiya ku kûrahiya wê ya erdzemînê 7 kîlometre ye.

Berdevkên Saziya Rewşên Lezgîn a Îranê Mucteba Halîdî piştî rûdana erdhejê ragihand ku tîmên destpêkê yên alîkariyê çûne herêmê û li gorî zanyariyan 2 kesan jiyana xwe ji dest daye û 33 kes jî birîndar bûne.

Serokê Komîteya Kontrola Krîzan a Îranê, Îsmaîl Necar jî ji ajansa fermî IRNA re ragihandiye, zilameki 60 salî dema bi revê ji mal derketiye, ji serê xwe birîndar bûye û jiyana xwe ji dest daye.

Berdevkên Saziya Rewşên Lezgîn a Îranê Mucteba Halîdî jî daye xuyakirin, “Ji bilî wî zilamê kal ê 60 salî, jineke 21 salî jî bi sedema tirsê û sekta dil, jiyana xwe ji dest daye.”

Di encama erdheja ku xelkê ji tirsa şeva xwe li derve derbas kiriye ziyanên madî jî çêbûn.