Dezgeha Xêrxwazî ya Barzanî 5 dibistanên Kerkûkê nû kirin

PeyamaKurd - Dezgeha Xêrxwaziya Barzanî (BCF) bi amadebûna rêveberê xwendina Kurdî bi merasîmekê 5 dibistanên li Kerkûkê hatine nûjenkirin radestî rêveberiya xwendina Kurdî ya Kerkûkê kir.

Berpirsê ofîsa Kerkûkê yê Dezgayê Xêrxwaziya Barzanî Rêbuwar Mihyedîn îro 10ê Îlonê ragihand, proje rasterast ji aliyê BCF û bi serpereştiya serokatiya heman dezgehê ve hatiye kirin û herwiha di heyama du mehan de 5 dibistan hatine nûjen kirin, ku budceya ji bo wan hatiye veqetandin 92 milyon û 420 hezar dînar bûye.

Mihyedîn herwiha got ku bi razîbûn û piştevaniya Serokwezîr Mesrûr Barzanî wan alîkariyeke mezin daye Kerkûk û Kerkûkiyan.