Dêra Ermeniyan ya bi navê Surp Gragos ji bo ayînan amade ye

PeyamaKurd – Dêra Ermeniyan ya bi navê Surp Gragos ku dikeve nêzî minara çarling a di nav Sûr a Diyarbekirê, di wexta bûyerên xendeqan de zerara zêde gihayê. Piştî 7 salan dêr niha ji bo ayînan amade ye wê ji xizmetê re bê vekirin.

Di dêrê de ji sala dawiya 2015 an û heya niha ti ayîn nehatiye kirin. Wê dêr sibê ji bo ayînê bê vekirin. Heya niha ji bo dêra Surp Giragos ya Ermeniyan û ji bo dêra Keldaniya ya bi navê Mar Petûn 32 mîlyon pere hatiye serfkirin.

Di 8 ê mehê de bi tevlîbûna wezîrê çandê yê Tirkiyê Mehmet Nuri Ersoy û parêzgerê Diyarbekir ve gelek rêvebirên din wê bi merasim bê vekirin.

Dêr di sala 1376 an de hatiye avakirin û li taxa Fatîh Paşa ye. Heya 2 ê gulana 1915 an ya qanûna tehcîrê an ku koçkirina Ermeniyan, di dêrê de ayînan dikirin. Paşî, di şerê cîhanê yê yekem de bû ciyê leşkerên Alman.