Dayikên Aştiyê serdana MHPê kirin

RûpelNews - Şandeya Dayikên Aşitiyê xwestibûn ku bi hemû partiyên Parlementoya Tirkiyeyê bikin. Di vê çarçoveyê de yekem serdana xwe bi MHPê re kirin. 

Di şandeyê de Behiye Yalçin, Afife Kartal û Muzeyyen Butun ji Dayikên Aştiyê hebûn, her wiha Berdevka Partiya Wekhevî û Demokrasiyê ya Gelan DEM Partiyê Ayşegul Dogan û Parlamentera Partiya DEM Partiyê a Amedê Adalet Kaya, jî beşdarî hevdîtinê bûn.

Hevdîtina bi cîgirên serokên koma MHP'ê re

Şanda Dayikên Aştiyê bi Cîgirên Serokên Koma MHPê Filiz Kiliç û Erkan Akçay re hevdîtin kir. Hat ragihandin ku dê di hevdîtinê de li ser pêvajoya çareserkirina pirsgirêka kurd û mijarên aştiya civakî were axaftin.

Hêj ti agahiyeke zelal nehatiye parvekirin ka gelo dê piştî hevdîtinê daxuyaniyek were dayîn an na, ku ev yek bala medyayê ya mezin kişand.

Serdanên din ên partiyan hatin paşxistin

Her wiha di civînên din ên di rojeva şandeyê de jî guhertin hatin kirin. Serdana Partiya Pêşerojê ji bo 8ê Gulanê hate paşxistin, serdana Partiya DEVA dê di saet 16.00an de û serdana Partiya Saadetê jî di saet 17.00an de pêk were.
Diyariyeke sembolîk ji dayikan

Hatiye ragihandin ku Dayikên Aştiyê dê şalên serî yên spî pêşkêşî nûnerên partiyên ku serdana wan dikin bikin.