Daxuyaniya yekem a Netanyahu derbarê gesedanên li Sûriyê!

PeyamaKurd – Serokwezîrê Îsraîlê Benjamin Netanyahu diyar kir ku hilweşîna rejîma Beşar Esed “dîrokî” ye.

Netanyahu dema serdana herêmeke nêzî sînorê Sûriyeyê kir, têkildarî rûxandina rejîma Beşar Esad daxuyaniyek da û got,  "Hilweşîna Esed rojeke dîrokî ye. Îran û Hizbullah zerareke mezin dîtin."

Netanyahu, diyar kir, “Em rê nadin ti hêzeke dijmin li ser sînorê me xwe bi cih bike."

Opozisyona Sûriyê ragihand ku danê sibê roja Yekşemê 8ê Kanûna 2024an dest bi ketina Şama paytext kir, piştî çend demjimêran piştî piştrastkirina kontrolkirina bajarê Humsê ku sêyemîn bajarê herî mezin ê welat e.