Dadgeheke Libyayê namzediya hilbijartinên seroktiyê ya kurê Qedafî pejirand

PeyamaKurd – Piştî ku Komîsyona Bilind a Hilbijartinên Libyayê namzediya wî red kir, dadgeheke li başûrê Lîbyayê roja Pêncşemê namzediya hilbijartinên seroktiyê ya Seyfulîslam Qedafî yê kurê serokê berê Muamer Qedafî ji nû ve pejirand.

Bi vê biryara nû Qedafî wê bikaribe beşdarî hilbijartinên seroktîyê bibe ku tê çaverêkirin 1ê Çileya 2022yan hilbijartin werin lidarxistin.

Komîsyona hilbijartinê ya Lîbyayê meha borî serlêdana Qddafî red kiribû û wî jî daxwaza pêdaçûnê kiribû.

Komîsyonê gotibû ku çênabe kesên ku ji ber sedemên rûreşîyê ceza girtibin bibin namzed û serledana namzedîya wî red kiribû.