Ciwan Haco bertek nîsanî Mardînî da: Eybek e mezin e

PeyamaKurd - Hunermendê Kurd Ciwan Haco li ser strana wî ya ‘Nesrînê’ ku bê destûr û navdanê di albuma Berdan Mardînî de cî girtibû axivî.

Haco bertek nîşanî Mardînî da û wiha got:

“Mixabin hem destûra min nestandiye hem jî li ser album û klibê anonîm nivîsandiye. Bi rastî ev eybeke mezin e. Qet ne ehlaqî ye ku her çiqas dizane strana min e û gotinên wê ji aliyê xwişka min Dilber ve hatiye nivîsandin, anonîm binivîse. Ez tim vê dibêjim, her kes dikare stranên min bêyî guhertina gotin û muzîka min bixwîne.”

Haco bi rêya Rûdawê ji bo Hulya Avşar jî gotiye, hevaltiya wan berdewam dike û wekî hunermendeke cesûr ya dilê xwe dibêje û tim kurdbûna xwe jî tîne ziman.

Ciwan Haco dibêje, her çiqas wî xwestiye zarokên wî jî bibin hunermend, lê mixabin ew vê yekê naxwazin.

Berdan Mardini ji bo strana Nesrînê ya Ciwan Haco got anonîm e