Çînê bersiva sizayên Amerîkayê da
Çînê nerazîbûna xwe li hember biryara Amerîkayê ya sepandina sizayan li ser şîrketên Çînî, di nav de sê şîrketên peykê, bi hinceta ku wan piştgirî dane operasyonên leşkerî yên Îranê, nîşan da.
RûpelNews - Berdevkê Wezareta Derve ya Çînê Guo Jiakun di civîneke çapemeniyê ya birêkûpêk de li ser vê mijarê daxuyaniyek da.
Berdevkê Wezareta Derve ya Çînê Lin diyar kir ku Çîn li dijî sizayên yekalî ye ku di qanûna navneteweyî de bingehek wan tune û ji hêla Konseya Ewlehiyê ya Neteweyên Yekbûyî (KENY) ve nehatine destûr kirin, û got ku ew ê maf û berjewendiyên rewa yên şîrketên Çînî biparêzin.
Lin tekez kir ku helwesta Çînê ya li ser Îranê zelal e û got, "Pêşîniya lezgîn divê ew be ku bi tu awayî pêşî li vegera pevçûnê were girtin, ne ku rewşê ji bo reşkirina welatên din were bikaranîn."
Di 8ê Gulanê de, Wezareta Xezîneyê ya Amerîkayê pênc şîrket li lîsteya xwe ya sizayan zêde kir, di nav wan de Yushita Shanghai û Hitex Insulation ên li Çînê, û Hesin Industry û Mustad Limited ên li Hong Kongê, bi hinceta ku wan kirîna çekan a Îranê hêsan kiriye û pergalên çekan peyda kirine.
Wezareta Derve ya Amerîkayê di heman rojê de ragihand ku ew ê li ser çar şîrketan, di nav wan de şîrketên peykê yên Çînê Chang Guang Satellite Technology, The Earth Eye, û MizarVision, ji ber ku wêneyên peykê dane Îranê da ku di êrîşên li dijî hêzên Amerîkî li Rojhilata Navîn de bikar bînin, cezayan ferz bike.
