Çekdaran li Efrînê pezê xelkê dizîn

PeyamaKurd – Binpêkirinên li herêma Efrînê ya Rojavayê Kurdistanê ku ji sala 2018an ve ji aliyê Tirkiye û komên çekdarên girêdayî wê ve hatiye dagirkirin, zêdetirî 4 sal in bênavber berdewam dikin.

Herî dawî hat ragihandin ku çekdaran li Efrînê dest bi dizîya pezê xelkê herêmê kiriye. Çavkaniyên xwecihî ragihandine ku çekdarên koma Firqet El Hemze li gundê Kîmarê yê navçeya Şêrawa ya Efrînê 24 serî pezê xelkê dizîn.

Hat diyarkirin, ji pezê hatiye dizîn 16 mih yên welatiyê bi navê Mamo Hesen, 2 mih yên welatiyê bi navê Mamde Fewzî û 6 mih jî yên Omer Hesenkê bûn.

Li gorî zanyariyan çekdarên pezê ku dizîne, birine gundê Xezawiyê yê navçeya Şêraweyê.