Çalakvan û helbestvanê Kurd Aram Fethî ji aliyê Îranê ve hat desteserkirin

PeyamaKurd – Li bajarê Merîwanê ya Rojhilatê Kurdistanê, çalakvan û helbestvanê Kurd Aram Fethî, ji aliyê Îranê ve hat desteserkirin.

Li bajarê Merîwanê, do hêzên ewlehiya Îranê girtin ser mala çalakvan û helbestvanê Kurd Aram Fethî û ew desteser kirin.

Li gorî zanyariyan, hêzên ewlehiyê yên ku destûra dadgehê nîşanî Fethi dan, piştî lêgerîna li malê dest danîn ser tiştên wî yên şexsî û helbestvanê Kurd desteser kirin.

Heta niha sedema desteserkirina Aram Fethî û ew birine ku derê ne diyar e.

Fethî ku di heman demê de çalakvanek e jî, berê ji ber ku beşdarî rêxistinên çandî û sivîl bûbû ji aliyê Îranê ve gelek caran hatibû girtin û cezayê zindanê lê hatibû birîn.