Bi gumana endambûna DAISê 4 kesên Iraqî hatin desteserkirin

PeyamaKurd – Li bajarê Manîsa yê Tirkiyê, 4 kesên Iraqî bi gumana endambûna rêxistina DAIŞê hatin desteserkirin.

Tîmên Şaxa Rûbirûbûna Terorê yên ser bi Rêveberiya Ewlekariya Manîsayê ve di çarçoveya eşkerekirina kar û çalakiyên rêxistina DAIŞê de li wê parêzgehê dest bi operasyonê kirin.

Li gor medyaya fermî ya Tirkiyê, di operasyonan de hêzên ewlekariyê li navçeya Şehzadeler girtin ser çend navnîşanan û 4 kes bi gumana ku “di nav rêzên DAIŞê de cih girtine û li ser navê wê rêxistinê çalakî kirine”, desteser kirine.

Li gor agahiyên hatine belavkirin, her 4 kesên hatine desteserkirin xwedî pasportên Iraqî ne.

Herwiha hat ragihandin, lêkolînên li ser wan 4 kesan berdewam in.