Baroya Wanê ji bo zimanê kurdî de serî li wezaretê da
Baroya Wanê bi serîlêdaneke fermî ji Wezareta Çand û Geştyariyê ya Tirkiyeyê xwest destûr bê dayîn da ku "Enstîtuya Ziman, Dîrok û Çanda Kurdî" vekin.
RûpelNews - Hat ragihandin ku armanca vê yekê ew e ku derbarê çand û zimanê kurdî de lêkolîn bêne kirin, ziman bê parastin û arşîvkirin.
Di daxuyaniyeke ku ji aliyê Baroyê ve hat weşandin de, hat destnîşankirin ku damezrandina vê enstîtuyê ji bo peydakirina piştgiriya sazûmanî ji bo ziman û çanda kurdî girîng e.
Di daxuyaniya Baroyê de wiha hat gotin:
"Me wekî Baroya Wanê; ji bo lêkolîna bi rêbazên zanistî, parastin, arşîvkirin û piştgiriya sazûmanî ya ziman, dîrok û çanda Kurdî, bi awayekî fermî serlêdana damezrandina "Saziya Ziman, Dîrok û Çanda Kurdî" ji Wezareta Çand û Turîzmê re kir. Em bi rêzdarî ji raya giştî re radighînin ku misogerkirina mafên zimanî û çandî li ser bingeha hemwelatiya wekhev ji bo aştîya civakî û jiyana hevpar pir girîng e."
Kürt Dil, Tarih ve Kültür Kurumu Başvurusu
— Van Barosu - Baroya Wanê - Van Bar Association (@VanBaro) May 15, 2026
Van Barosu olarak; Kürt dili, tarihi ve kültürünün bilimsel yöntemlerle araştırılması, korunması, arşivlenmesi ve kurumsal olarak desteklenmesi amacıyla "Kürt Dil, Tarih ve Kültür Kurumu"nun kurulması talebiyle Kültür ve Turizm… pic.twitter.com/dXPImsZVzj
