Balyozê Brîtanya li Iraqê: Pêwîst e li Iraqê tu cîhek nebe ji bo pêsketina bêserberî û tundiyê

PeyamaKurd – Balyozê Brîtanya li Iraqê, li ser êrîşa terorîstî ya şeva borî li ser Hewlêrê peyamek belav kir û diyar kir, pêwîst e li Iraqê tu cîhek nebe ji bo pêşketina bêserberî û tundiyê.

Balyozê Brîtanya li Bexdayê Mark Bryson Richardson da zanîn: “Êrîşa do şev êrîşeke din e û wisa diyar e kesên sivîl bûne armanca êrîşê û ez vê şermezar dikim. Pêwîst e li Iraqê tu cîhek nebe ji bo pêşketina bêserberî û tundiyê.”

Herwiha şeva borî bi dronan êrîşî bajarê Hewlêrê pêk hat û dijeteror a Kurdistanê bi daxuyaniyekê destnîşan kir, êrîş li ser rêya sereke ya Hewlêr û Pîrmamê pêk hatiye û bi rêya dronekî bombebarkirî ve pêk hatiye.