Balafirên Rûsî li Derya Res rêgirî li balafira Amerîkî kirin

PeyamaKurd – Wezareta Bergiriya Amerîkayê (Pentagon) ragihand ku li avên Derya Reş du balafirên Rûsî rêgirî li balafira wan a bombardimanê ya cureya B-52 kiriye.

Fermandariya Ewropa ya Pentagonê ragihand ku bûyer 28ê Tebaxê roja Înê beriya nîvro li demjimêr 11:19 rû daye û li ber balafira B-52 ya Amerîkî ku li ser avên navdewletî yên Derya Reş difiriya ji aliyê du jetên Rûsî ve rêgirî hatiye kirin.

Hat diyarkirin ku du balafirên Rûsî yên S-27 bi qasî 30 metroyî nêzî balafira wan bûne û bi awayekî bê ewle ne profesyonel firiyane.

Pentagonê bûyer wekî karekê ‘ne hewce û bi xeter’ bi nav kir û bang li aliyê rûsî kir dûrî çalakiyên wiha bisekinin.