Bakirhan: Em ne çalakgerên CHPê ne, bila têkosîna bo Îmamoglu li ser me nedin

PeyamaKurd – Hevserokê Giştî yê Partiya Demokrasî û Wekhevîya Gelan (DEM Partî) li ser rexneyên, ‘Çima DEM Partî jî beşdarî protestoyên bo girtina Ekrem Îmamoglu nabe?’ axivî û got, ew ne girseya çalakgerên CHPê ne ku beşdarî çalakiyên wan bibin.

Bakirhan di bernameyeke televizyonê de diyar kir, "Em ne çalakvanên CHPê ne.. Em ê piştevaniyê bidin, lê em dernayên kuçeyan. Karên me yên mezintir hene.. Em ji bo demokratîk kirina Tirkiyê dixebitin.”

Herwiha Bakirhan ji bo girtina Şaredarê Bajarê Mezin ê Stenbolê Ekrem Îmamoglu jî got, "Bila têkoşîna bo Îmamoglu li ser me nemeşînin, me piştevaniya wî di hilbijartinan de nekiriye, lihevkirina bajêr tiştekî din e.”