Cîhan
Zarokekî 14 salî êrişî dibistanê kir: 7 kes mirin û 15 jî birîndar bûn
Li parêzgeha Nonthaburi ya Taylandê, di êrîşeke çekdarî ya li ser dibistanekê de heft kes hatin kuştin û 15 kes jî birîndar bûn. Hat ragihandin ku êrîşkar xwendekarekî 14 salî bû û li cihê bûyerê mirî hat dîtin.
RûpelNews - Bûyer li Dibistana Debsirin a Nonthaburi li herêma Bang Kruai, li bakurê rojavayê paytext Bangkok, pêk hat.
Piştî êrîşê, gelek tîmên tenduristî û ewlehiyê ji bo dibistanê hatin şandin. Li gorî zanyariyên destpêkê, 7 kes hatin kuştin û 15 kes jî birîndar bûn.
Mamosteyan xwendekar vala kirin
Piştî êrîşê, mamosteyan xwendekar û karmendên dibistanê birin cihên ewle. Hêzên ewlehiyê hejmareke mezin a cebilxaneyê ji çenteyê êrîşkar desteser kirin.
Hat ragihandin ku êrîşkarê 14 salî xwendekarê dibistanê bû û di bûyerê de hatibû kuştin. Li dibistanê û li devera derdorê tedbîrên ewlehiyê hatin zêdekirin, di heman demê de lêpirsîna li ser êrîşê berdewam dike.