Polîsên Almanî zarokekî 14 salî yê ji Mêrdînê gulebaran kirin

RûpelNews - Bûyer di 18ê Tebaxê de li nêzîkî xeta tramvayê ya li taxa Schwabing a Munîhê pêk hat. Polîsan agahiyek wergirt ku kesekî çekdar û xeternak li wê deverê heye; li ser vê agahiyê, nêzîkî 80 polîs bo cihê bûyerê hatin şandin.

Di daxuyaniyeke polîsan de hat îdiakirin ku kesekî, ku tê texmînkirin di salên xwe yên bîstî de bûye, çekeke xwe arasteyî polîsan kiriye. Piştî destwerdanê, derket holê ku ew kesê hatiye gulebarankirin Abdulkadir Özer ê 14-salî ye û ew çeka di destê wî de jî lîstik e.

Navenda Kurd a Munîhê îdia kir ku polîsan tevî hişyariyên ku ew çek lîstik e jî, gule berdane.

Hat ragihandin ku Ozer bi birînên giran li nexweşxaneyê tê dermankirin. Herwiha hat diyarkirin ku serlêdana penaberiyê ya malbata Ozer ku bavê wî ji Mêrdînê û dayika wî ji Rihayê ne di demeke nêzîk de hatibû redkirin.

Lêpirsîna ji bo zelalkirina hemû aliyên bûyerê berdewam dike.