Cîhan
Rûsyayê êrişî Kîevê kir: 37 kesan canê xwe ji dest da
Li herêma Kîevê ya paytexta Ukraynayê, di teqîneke li dû êrîşeke dronan a Rûsyayê de li depoyekê, 37 kesan canê xwe ji dest da û 42 kes jî birîndar bûn. Li gorî zanyariyan ji birîndaran çar zarok in.
RûpelNews - Depoya ku di êrîşê de bûye armanc, li gundê Mila, li navçeya Bûçayê ye. Piştî teqînê, nêzîkî 400 kes ji cihê bûyerê hatin dûrxistin, di heman demê de gelek avahiyên niştecihbûnê yên nêzîk û navendeke lênêrînê zirareke mezin dîtin.
Depo bû an cebilxane bû?
Desthilatdarên Ukraynî lêpirsînek dane destpêkirin da ku diyar bikin ka gelo cebilxane li herêma nêzîkî deverên niştecîbûnê dihatin hilanîn. Serokê Ukraynayê Volodimîr Zelenskî ragihand ku dê li dijî kesên ku xemsarî hatibe dîtin tedbîrên yasayî werin girtin.
Lêbelê, Wezareta Parastinê ya Rûsyayê îdia kir ku depo binkeyeke leşkerî bû ku pêkhate û avêjerên dronên dûravêj tê de bûn.