Jiyan
Li Stenbolê qeza: 11 kes birîndar bûn
Piştî lihevketina mînîbuseke servîsê û otomobîlekê li navçeya Avcilar a Stenbolê, 11 kes birîndar bûn û rêya sereke ya D-100ê ji çûnûhatinê re hat girtin.
RûpelNews - Mînîbusa servîsê, ku karmendên Hêlên Hewayî yên Tirkiyeyê (THY) vediguhestin û nasnameya ajokarê wê hêj nehatiye diyarkirin li nêzîkî Taxa Mustafa Kemal Paşa, li ser rêya D-100ê (rêyên ber bi Edirneyê ve) li otomobîlekê qelibî ku di heman alî de diçû.
Mînîbus piştî ku li dîwarê kargehekê qelibî, rawestiya. Di qezayê de 11 kes birîndar bûn.
Piştî agahdarkirinê, tîmên tenduristiyê yên hawarçûnê, polîs û tîmên agirkujiyê sewqî cihê bûyerê hatin kirin.
Kesên birîndar ji aliyê tîmên tenduristiyê ve bo nexweşxaneyên nêzîk hatin veguhestin. Ji ber qezayê, rêya D-100ê ji çûnûhatinê re hat girtin.